Dorëhiqet kancelari austriak Nehammer, dështojnë bisedimet për koalicionin

Kancelari austriak, Karl Nehammer ka deklaruar se do të japë dorëheqjen në ditët e ardhshme pasi bisedimet për formimin e qeverisë së re dështuan për herë të dytë.

Nehamer tha se “forca shkatërruese” në radhët e social-demokratëve kishin fituar terren dhe se subjekti i tij Partia Popullore nuk bie dakord me politika që dëmtojnë ekonominë.

Bisedimet për koalicion mes Partisë Popullore, Social-Demokratëve dhe të Rinjve zgjasnin që prej shtatorit të kaluar.

Partitë në fjalë refuzuan të punonin me Partinë e Lirisë të ekstremit të djathtë, të drejtuar nga Herbert Kikël, që doli i pari në zgjedhjet e përgjithshme.

Zgjedhje të reja ka gjasa të jenë hapi i ardhshëm, por kushdo që do të drejtojë qeverinë e ardhshme austriake do të ketë sfidën për të kursyer deri në 24 miliardë euro.

Austria është në recesion prej dy vitesh, po përjeton rritje të papunësisë dhe deficiti buxhetor aktualisht është në 3.7% të GDP-së, mbi kufirin e BE-së prej 3%.

LEXONI GJITHASHTU:

• Kancelari i Austrisë njofton se do japë dorëheqjen nga drejtimi i qeverisë e partisë
• Austria u ofron refugjatëve sirianë 1000 euro për t’u kthyer në shtëpi