Dorëhiqet nga puna në MPJ motra e Nuredin Dumanit: Jam në rrezik për jetën

Xhuljana Dumani, motra e Nuredin Dumanit bashkëpunëtorit të drejtësisë që ka rrëfyer dhjetëra krime në SPAK, ka dhënë dorëheqjen nga detyra në ministrinë e jashtme.

Në një reagim për mediat ajo shprehet se prej 48 orësh ndodhet në rrezik për jetën për shkak të publikimit të të dhënave të saj.

Xhuljana Dumani thotë se është përpjekur të ndërtojë një jetë normale, larg profilit të vëllait të saj.

Në media u publikuan të dhëna se Xhuljana Dumani u pajis me certifikatë sigurie për akses në informacione të klasifikuara, ndërkohë që vëllai i saj rrëfente para prokurorëve të SPAK implikimin në vrasje e grabitje gjatë 10 viteve të fundit.

LEXONI GJITHASHTU:

• SPAK: Nuredin Dumani s’ka thënë asgjë për presidentin Meta
• Policia ndalon vëllain e Nuredin Dumanit