Një libër i rrallë i vitit 1623, i cili bashkon veprat e William Shakespeare do të dalë për herë të parë në ankand në prill të këtij viti.

Libri, i quajtur “Komedi, Histori dhe Tragjedi”, pritet të shitet midis 4 dhe 6 milion dollarë.

I njohur gjerësisht si Dorëshkrimi i Parë, është një prej gjashtë kopjeve të njohura të plota të cilat zotëroheshin nga duar private.

“Ishte në duart e një studiuesi të madh të Shekspirit të Shekullit XVIII, Edmund Malone. Dhe ka një letër që tregon sesi ka mbijetuar libri gjithashtu dëshmon për pastërtinë dhe tërësinë e tij. Kështu që ne e dimë, nga përllogaritja, 200 vjet më parë ajo vlerësohej për gjendjen e saj dhe kjo është diçka që e veçon nga çdo kopje tjetër”, thotë Margaret Ford, koleksioniste e librave të ankandit.

Dorëshkrimi i Parë përmban 36 shfaqjet e Shekspirit, përfshirë disa që nuk janë botuar kurrë më parë dhe mund të kishin humbur nëse nuk do të ishin pjesë e tij, të tilla si “Macbeth”, “The Tempest” dhe “As You Like It”. Libri u përpilua nga miqtë e shkrimtarit pas vdekjes së tij.

Kopja që do të dalë në shitje do të shfaqet në turne, duke filluar nga e hëna e 13 janarit në Londër, përpara se të niset për në New York, Hong Kong dhe Pekin. Libri do të hidhet në ankand në 24 Prill në New York.