Dorëzimi i mandateve nga Lista Serbe, KQZ në Kosovë pret shpalljen e zgjedhjeve

Katër kryetarët e komunave në veri të Kosovës kanë dhënë dorëheqje nga postet e tyre, si vazhdimësi e veprimeve të Listës Serbe e cila kundërshton vendimin e qeverisë së Kosovës për regjistrimin e targave të automjeteve.

Komisioni Qendror i Zgjedhjeve në Kosovë do të presë vendimin e presidentes Vjosa Osmani lidhur me zgjedhjet e mundshme në këto komuna.

Zëdhënësi i KQZ-së, Valmir Elezi tha për Kosova Press se përgatitjet e këtij institucioni për zgjedhje bëhen pasi ato të shpallen nga Osmani.

“Komisioni Qendror i Zgjedhjeve do të përmbushë detyrimet e veta kushtetuese dhe ligjore për organizimin e këtyre zgjedhjeve pasi ato të shpallen nga ana e presidentees e Republikës së Kosovës. KQZ-ja pret shpalljen e zgjedhjeve para se të fillojë me përgatitjet intensive të tyre.

Sikurse në të kaluarën një nga hapat e parë që ndërmerr KQZ është miratimi i planit operacional ku listohen të gjitha aktivitetet që duhet të kryhen nga ana e KQZ për të organizuar një proces zgjedhor”, theksoi ai.

Mëngjesin e sotëm dhjetë deputetë të Listës Serbe kanë dorëzuar mandatet e tyre. 10 deputetë të Kuvendit të Republikës së Kosovës kanë dorëzuar dorëheqje të parevokueshme.

Të shtunën, në një konferencë për media kryetari i Listës Serbe, Goran Rakiç, njoftoi se ata do të tërhiqen nga institucionet qendrore të vendit dhe në komunat veriore.

Sot ata kanë dorëzuar edhe armët. Këto veprimet erdhën pasi qeveria e Kosovës mori vendimin për targat.

LEXONI GJITHASHTU

• Krizë kushtetuese pas dorëzimit të mandateve nga Lista Serbe? Flet Glauk Konjufca
• Lista Serbe dorëzon mandatet e deputetëve në Kuvendin e Kosovës
• Policët serbë dorëzojnë armët në veri, prani e shtuar e EULEX-it