Krizë kushtetuese pas dorëzimit të mandateve nga Lista Serbe? Flet Glauk Konjufca

Kryetari i Kuvendit të Kosovës, Glauk Konjufca deklaroi se nuk ka asnjë krizë kushtetuese, pas dorëzimit të mandateve të deputetëve të Listës Serbe.

Konjufca nënvizoi se Kuvendi do të procedojë sipas ligjit për zëvendësimin e tyre.

“Unë mendoj se me këtë ngjarje nuk rrezikim të rendit kushtetues të Kosovës. Na ka ndodhur largim më i madh se ky, sepse dorëheqje të tilla nuk kemi pasur kurrë, por në aspektin ligjor është e njëjta procedurë siç ndodh edhe me deputetë tjerë.

Në këtë rast ne kemi një Grup Parlamentar, është rast specifik që largohet një Grup Parlamentar. Edhe për këtë rast janë të qarta procedurat ligjore, nuk rrezikohet Kuvendi e as nuk mund ta sfidojnë”, theksoi ai.

Mëngjesin e sotëm dhjetë deputetë të Listës Serbe kanë dorëzuar mandatet e tyre. 10 deputetë të Kuvendit të Republikës së Kosovës kanë dorëzuar dorëheqje të parevokueshme.

Të shtunën, në një konferencë për media kryetari i Listës Serbe, Goran Rakiç, njoftoi se ata do të tërhiqen nga institucionet qendrore të vendit dhe në komunat veriore.

Sot ata kanë dorëzuar edhe armët. Këto veprimet erdhën pasi qeveria e Kosovës mori vendimin për targat.

LEXONI GJITHASHTU

• Lista Serbe dorëzon mandatet e deputetëve në Kuvendin e Kosovës
• Policët serbë dorëzojnë armët në veri, prani e shtuar e EULEX-it