Policët serbë dorëzojnë armët në veri, prani e shtuar e EULEX-it

Pas dorëheqjes së paraqitur me shkrim ditën e djeshme, zyrtarë policorë serbë kanë dorëzuar armët dhe uniformat e tyre duke filluar nga mëngjesi i së hënës, në stacionin policor në veri të Mitrovicës.

Dorëzimi i pajisjeve të rreth 300 policëve në këtë stacion policor do të bëhet gjatë ditës së sotme me orare të ndryshme.

Ndërkohë, pjesëtarë të policisë së EULEX-it janë vërejtur duke hyrë dhe dalë nga stacioni i policisë në veri të Mitrovicës, në kohën kur policët serbë po dorëzojnë armët dhe uniformat e tyre.

Gjithashtu, edhe rreth 150 policë tjerë të cilët kanë shërbyer në komunat e tjera veriore të Kosovës do të dorëzojnë pajisjet e tyre.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Daçiç: Nëse SHBA-BE s’i japin fund Kurtit, tregon se janë të pafuqishëm ose heshtin
• Vuçiç: Në veri u parandalua gjakderdhje, shqiptarët planifikonin pushtim
• Ligjshmëria dhe kushtetutshmëria e Kosovës s’mund të komprometohen, thotë Kurti