Kryeministri i Kosovës, Albin Kurti deklaroi se ligjshmëria dhe kushtetutshmëria e vendit nuk mund të komprometohen.

Deklaratën Kurti e bëri të dielën gjatë mbledhjes së qeverisë lidhur me situatën e sigurisë në Kosovë.

Ai u shpreh se është në kontakt të vazhdueshëm me organet e sigurisë ndërkombëtare për të garantuar stabilitetin në Kosovë.

“Situata e sigurisë në Republikën e Kosovës rrezikohet nga individë e grupe të ndryshme të kriminalizuara, dhe në këtë një vit e tetë muaj, sa jemi në qeverisje, kemi bërë avancimin më të madh në luftimin e krimit dhe korrupsionit, sidomos në aspektin ekonomik”, theksoi Kurti.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Vuçiç: Nëse amerikanët janë të zgjuar, KFOR dhe EULEX do ta ruajnë paqen në veri
• Daçiç: Serbët do të luftojnë për Asociacionin, por jo me armë
• Lëvizja e fundit e Prishtinës shkaktoi zemërimin e serbëve në Kosovë, sipas Vuçiçit