Presidenti i Serbisë, Aleksandar Vuçiç ka folur për herë të parë publikisht për tensionet në Kosovë dhe ka thënë se bëhet fjalë për “ndryshime të mëdha politike, pothuajse tektonike”.

Sipas tij, marrëveshja e Brukselit ka kontribuar në “blerjen e paqes” në Serbi dhe rritjen ekonomike.

Mirëpo, vendimin e serbëve për t’u larguar nga institucionet e Kosovës, ai e quajti të vështirë, shkruan Euronews Serbia.

Vuçiç nënvizoi se amerikanëve u intereson konflikti, përkundrazi. Madje, ai tregon se shpreson që amerikanët dhe disa të tjerë të kujdesen për sigurinë në veri.

“Nëse SHBA-të janë mjaft të zgjuara dhe të përgjegjshme, do t’i thonë KFOR-it, UMNIK-ut dhe EULEX-it që të kryejnë punën e policisë në veri, kjo do të kontribuojë për paqen. Por nëse janë shqiptarët që nuk kanë të drejtë ta bëjnë, unë kam frikë se do të çojnë në fatkeqësi”, deklaroi ai.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Daçiç: Serbët do të luftojnë për Asociacionin, por jo me armë
• Lëvizja e fundit e Prishtinës shkaktoi zemërimin e serbëve në Kosovë, sipas Vuçiçit
• Kurti: Përpjekjet e Beogradit për destabilizimin e Kosovës do të dështojnë