Daçiç: Serbët do të luftojnë për Asociacionin, por jo me armë

Ministri i Punëve të Jashtme të Serbisë, Ivica Daçiç deklaroi se arsyeja pse firmosi marrëveshjen e Bruskelit në vitin 2013, ishte për shkak të formimit të Asosacionit të komunave me shumicë serbe.

Në një konferencë të përbashkët për shtyp me Ministrin e Punëve të Brendshme të Maldiveve, Daçiç nënvizoi se serbët do të luftojnë për Asosacionin, por jo me armë, shkruan Danas.

Sipas tij, serbët kanë të drejën legjitime që të mbrojnë interesin e tyre.

“Bashkimi Evropian të bëjë një deklaratë dhe jo të thërrasë të dyja palët. Serbët në Kosovë nuk do të marrin më pjesë në të dhe kaq. Nëse nuk e pranojnë, serbët do të luftojnë me të gjitha mjetet, ashtu siç bënin shqiptarët, por ne nuk do të përdorim armë, theksoi ai.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Lëvizja e fundit e Prishtinës shkaktoi zemërimin e serbëve në Kosovë, sipas Vuçiçit
• Serbët tubim në veri, Rakiç: Të formohet Asosacioni dhe të hiqet vendimi për targat
• Kurti: Përpjekjet e Beogradit për destabilizimin e Kosovës do të dështojnë