Lëvizja e fundit e Prishtinës shkaktoi zemërimin e serbëve në Kosovë, sipas Vuçiçit

Presidenti i Serbisë, Aleksandar Vuçiç zhvilloi një bisedë telefonike me zëvendëskryeministrin dhe ministrin e Punëve të Jashtme të Republikës së Italisë, Antonio Tajani.

Vuçiç i ka shpjeguar zyrtarit italian, qëndrimin e Beogradit lidhur me zhvillimin e fundit të situatës në Kosovë, shkruan Euronews Serbia.

Ai tha se Serbia do të sillet seriozisht dhe me përgjegjësi, duke respektuar obligimet dhe vendosmërinë e saj për të ruajtur paqen dhe stabilitetin, të cilin Prishtina e kërcënon me aktet dhe veprimet e saj të njëanshme.

“Hapi i fundit i tillë i papërgjegjshëm i Prishtinës shkaktoi zemërimin e serbëve nga veriu i Kosovës dhe Metohisë”, theksoi Vuçiç.

Serbët kanë mbajtur një tubim këtë të diel në veri të Mitrovicës, ku kanë kënduar këngë nacionaliste dhe himnin e Serbisë.

Kryetari i Listës Serbe, Goran Rakiç deklaroi se serbët përmes dorëheqjeve nga institucionet e Kosovës, janë duke mbrojtur marrëveshjen e Brukselit.

LEXONI GJITHASHTU

• Serbët tubim në veri, Rakiç: Të formohet Asosacioni dhe të hiqet vendimi për targat
• Kurti: Përpjekjet e Beogradit për destabilizimin e Kosovës do të dështojnë
• Zyrtari i NATO-s: KFOR i gatshëm të ndërhyjë nëse rrezikohet stabiliteti