Daçiç: Nëse SHBA-BE s’i japin fund Kurtit, tregon se janë të pafuqishëm ose heshtin

“Nëse SHBA-ja dhe BE-ja nuk mund t’i japin fund Albin Kurtit, atëherë kjo është ose pafuqia e tyre, ose pëlqimi i tyre në heshtje”.

Kështu u shpreh ministri i Punëve të Jashtme të Serbisë, Ivica Daçiç në një intervistë për RTS (Radio Televizioni Serb).

I pyetur nëse Perëndimi do të mund t’i bëjë presion Prishtinës, shefi i diplomacisë serbe thotë se askush në Serbi nuk e beson këtë.

Ai deklaroi se Serbia nuk është palë në konflikt, por se po lufton për mbrojtjen e Marrëveshjes së Brukselit.

Ministri i tha Bashkimit Evropian se është edhe detyrim i tij që të formojë Asosacionin.

“Unë i them BE-së se është edhe obligim i tyre që të formojnë Asosacionin, jo vetëm të Kurtit. E ka nënshkruar Catherine Ashton, nëse nuk është kështu, atëherë edhe mua më keni mashtruar”, ka theksuar Daçiç.

Në Mitrovicën e Veriut, të dielën, është mbajtur një protestë  e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.

Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.

LEXONI GJITHASHTU

• Vuçiç: Në veri u parandalua gjakderdhje, shqiptarët planifikonin pushtim
• Ligjshmëria dhe kushtetutshmëria e Kosovës s’mund të komprometohen, thotë Kurti
• Vuçiç: Nëse amerikanët janë të zgjuar, KFOR dhe EULEX do ta ruajnë paqen në veri