Drejt fundit greva e skenaristëve që paralizoi Hollivudin

Shoqëria e Skenaristëve të Amerikës dhe Aleanca e Prodhuesve të Filmave dhe Televizionit kanë arritur një marrëveshje paraprake për një kontratë të re trevjeçare, që premton t’i japë fund grevës 146-ditore.

Marrëveshja e arritur pas pesë ditësh bisedimesh maratonë nga negociatorët e Shoqërisë së Skenaristëve të Amerikës dhe Aleancës së Prodhuesve të Filmave dhe Televizionit, të cilave u janë bashkuar herë pas here drejtuesit e studiove si Netflix, Disney, Universal and Warner Bros Discovery, duhet të miratohet nga bordi dhe anëtarët e shoqërisë përpara se greva të përfundojë zyrtarisht.

Greva filloi si pasojë e një mosmarrëveshje rreth pagave dhe ndikimit të inteligjencës artificiale dhe ka pezulluar shumë nga shfaqjet kryesore të Amerikës, i ka kushtuar ekonomisë amerikane rreth 5 miliardë dollarë.

Guvernatori i Kalifornisë, Gavin Newsom u shpreh mirënjohës që të dy palët janë bashkuar për të arritur një marrëveshje nga e cila përfitojnë të gjithë, dhe që mund të rikthejë një pjesë të madhe të ekonomisë së Kalifornisë.

LEXONI GJITHASHTU:

• Shpresë për fundin e grevës në Hollivud, studiot nisin negociatat me skenaristët
• Aktorët largohen nga premiera e filmit, Hollivudi paralizohet nga greva