Drejtori i Policisë së Tiranës: Jemi telefonuar nga drejtues të PD-së

Drejtori i Policisë së Tiranës, Lorenc Panganika deklaroi se ndërhyrja në protestë u bë në momentin që u vlerësua se rrezikohej jeta e qytetarëve.

Sipas tij ka telefonata të regjistruara nga drejtues të Partisë Demokratike që kanë kërkuar ndihmë.

Panganika tha se oborri i godinës konsiderohet vendngjarje dhe do të hetohet në mënyrë që të gjithë qytetarët që kanë përdorur dhunë të mbajnë përgjegjësi.

Protesta nisi rreth orës 12:00 të së shtunës ku mbështetës të Berishës me trapanë dhe çekiçë në duar tentuan të futeshin brenda ambienteve të selisë së PD-së. Ata shqyen dyert dhe thyen dritaret, ndërsa përdorën shkallët për t’u ngjitur në katin e dytë të godinës.

Incidentet nuk kanë munguar as brenda ambienteve të PD-së, ku kanë plasur kapsolla dhe është përdorur gaz lotsjellës dhe fikës zjarri kundrejt protestuesve.

LEXONI GJITHASHTU:

• Berisha: Kjo që patë sot është vetëm faqja e parë, protesta do të vazhdojë