Drejtuesit serbë të ngjashëm me periudhën millosheviçiane, thotë Shehu

Ditën e sotme Kuvendi ka rrëzuar kërkesën e deputetit të PD-së Tritan Shehu për të votuar rezolutën që dënon gjenocidin serb në Serbrenicë në Bosnjë-Hercegovinë.

Shehu u shpreh për “SOT” në Euronews Albania se rezoluta është gati dhe e shtrirë në kohë, pra nuk bëhet fjalë për një material të shkurtër.

“Unë shpresoj që javën tjetër do të dorëzohet në parlamentin shqiptar për të realizuar një seancë mocion me debat me një rezolutë për të dënuar, kujtuar, kërkuar falje, që Serbia të shtyhet të kërkojë falje për gjenocidin në Kosovë. Ky është hapi tjetër që do bëjmë dhe unë mendoj që ky është një hap krejt normal,” – u shpreh deputeti.

Ndërsa theksoi se është gjëja e duhur që fajtorët të kërkojnë falje, Shehu solli në vëmendje Gjermaninë që ka kërkuar falje dhjetëra herë për krimet e nazizmit.

Ndryshe nga Serbia, deputeti theksoi se drejtuesit e Gjermanisë sot nuk kanë asgjë të përbashkët me administratën e Hitlerit dikur, ndërsa drejtuesit e qeverisë së Serbisë sot kanë shumë lidhje me periudhën millosheviçiane.

LEXONI GJITHASHTU:

• Kuvendi rrëzon rezolutën për gjenocidin serb, Berisha filmon deputetët