Dritan Abazoviç është zgjedhur kryeministër i Malit të Zi dhe liderët e politikës kanë nisur menjëherë urimet e tyre.
Presidenti Ilir Meta shkroi se shpresonte në fuqizimin e marrëdhënieve të tyre në interes të popujve.
Kryeministri Rama vuri në dukje se me zgjedhjen e Abazoviçit tashmë Ballkani me 6 shtete, ka 3 kryeministra shqiptarë.
“Na takon ne të japim provën si ndërtues të mirë urash për paqe mes të gjithëve e mirëqenie për të gjithë,” – shkroi ai në Twitter.
I lumtur që @DritanAbazovic është nga sot kryeministri i Malit të Zi!Kush do ta kishte besuar dot deri dje se Ballkani me 6 shtete do të kishte 3 kryeministra shqiptarë😍Na takon ne të japim provën si ndërtues të mirë urash për paqe mes të gjithëve e mirëqenie për të gjithë😊
— Edi Rama (@ediramaal) April 28, 2022
Edhe ish-kreu i Partisë Demokratike, Lulzim Basha uroi kryeministrin e ri të Malit të Zi dhe e cilësoi këtë një moment historik për kombin shqiptar.
Urimet më të përzemërta @DritanAbazovic për votëbesimin nga Parlamenti si Kryeministër i Malit te Zi. Ky është një hap i rëndësishëm për rrugëtimin 🇪🇺 të 🇲🇪 dhe moment historik historik për kombin shqiptar. Të priftë e mbara @DritanAbazovic!
— Lulzim Basha (@lulzimbasha_al) April 28, 2022
