Dritan Dajti ka depozituar këtë të martë përmes përfaqësuesit të tij ligjor, një kërkesë pranë Gjykatës së Elbasanit, ku kërkon lirimin e tij të menjëhershëm.
Dajti ka pretenduar se po mbahet në mënyrë të paligjshme, sepse ai ka kryer dënimin e dhënë me 25 vjet heqje lirie.
Kujtojmë që në datën 30 Korrik është shtyrë seanca e e mbajtur po në Gjykatën e Shkallës së Parë Elbasan për në datën 13 Shtator.
Kjo është bërë për t’i dhënë kohë kërkuesit dhe avokatëve për shqyrtimin e provave të IEVP për llogaritjen e vuajtjes së dënimit nga Dajti.
Gjykatësja vendosi atë ditë vijimin e seancës pavarësisht mungesës së përfaqësuesit të IEDVP Peqin për shqyrtimin e provave të reja të paraqitura nga kërkuesi Dritan Dajtit, i cili ishte atë ditë i pranishëm në seancë si zakonisht nëpërmjet videokonferencës.
Dritan Dajti u dënua më burgim të përjetshëm për vrasjen e 4 policëve në vitin 2009, por një vendim i Gjykatës së Apelit në vitin 2019 e konvertoi dënimin me 25 vite burg.
Duke u bazuar në vendimin e Apelit, Dajti argumenton se në 4 korrik ai ka përfunduar kohën e vajtjes së dënimit.
Por më 11 qershor të këtij viti, Gjykata e Lartë me gjyqtarët Ilir Panda, Sandër Simoni dhe Artur Kalaja vendosi rrëzimin e vendimit të apelit duke lënë në fuqi dënimin me burg të përjetshëm.
Në letrën e Dajtit nuk përmendet vendimi i fundit i Gjykatës së Lartë.
Dritan Dajti akuzohet për masakrën e 7 gushtit të vitit 2009 në Plazhin e Durrësit, ku u vranë dëshmorët e policisë; Fatos Xhani, Sajmir Duçkollari, Altin Dizdari, Kastriot Feskaj. Ngjarja cilësohet si ndër më të rëndat për forcat e policisë.
Dajti së bashku me personat që e shoqëronin ju përgjigjën me armë skuadrës së policisë që kishte shkuar për arrestimin e tij.
Në këtë ngjarje u plagos vet Dajti, si dhe u vra shoqëruesi i tij, Ledjon Mara dhe u plagos Fatjon Shamku.
LEXONI GJITHASHTU:
- U vranë në operacionin për kapjen e Dritan Dajtit, përkujtohen 4 policët
- Forcat Operacionale blindojnë varrezat, pamjet e Dritan Dajtit nga varrimi i së ëmës
