Dritan Shano: Përplasja Basha-Berisha ka krijuar konfuzion të ri në PD

Anëtari i Këshillit Kombëtar në Partisë Demokratike, Dritan Shano thotë se përplasja mes Bashës dhe Berishës ka krijuar konfuzion të ri brenda partisë dhe përgjegjës për këtë situatë bën z. Basha.

“Këtë derbi mes Bashës dhe Berishës, unë e shoh më shumë si përplasje personale. Nga kjo përplasja PD ka fituar një konfuzion të ri dhe është krijuar ideja e kampeve brenda partisë”, tha ai në intervistë për Euronews Albania.

Por si mund të zgjidhet situata që është krijuar brenda Partisë Demokratike? Shano thotë se Basha duhet t’u drejtohet demokratëve për të kërkuar votëbesim të ri.

“Unë nuk shoh ndonjë zgjidhje në tavolinë nëse PD do të bëhet demokratike. Basha minimalisht duhet të votëbesohet përsëri. Unë mendoj se çdo tentativë për ta mbajtur PD në xhep, do prodhojë  vetëm efekte negative dhe për këtë arsye unë mendoj se ky është momenti të ndahet shapi nga sheqeri ”, tha ai.

Ai thekson se Partisë Demokratike i duhen energji të reja duke shtuar se as Berisha dhe as Basha nuk përfaqësojnë të ardhmen e partisë, por duhen emra të rinj.

“Unë nuk e shoh z. Berisha për të ardhmen e PD, por nuk shoh as z, Basha, por nëse këto procese fillohen, mendoj se z. Berisha nuk do bëjë të njëjtat gabime qe ka bërë me z. Basha”, shtoi Shano.

LEXONI GJITHASHTU: 

• Basha përjashton Berishën nga grupi parlamentar i PD-së