Droga vinte nga Shqipëria, sekuestrohen 67 kg marijuanë në Igumenicë

Një sasi prej 67 kilogramë marijuanë është sekuestruar nga policia greke në afërsi të kufirit greko-shqiptar në Igumenicë.

Mediat greke raportojnë se droga ishte e ndarë në 45 pako.

Këto të fundit u gjetën brenda një automjeti ndërsa autoritetet po bënin kontrolle rutinë.

Policia arrestoi dy persona ndërsa dyshohet se droga vinte nga Shqipëria.

Pronari i mjetit, akuzohet si organizator i transportit sakaq në banesën e tij u sekuestruan 29.6 gram marijuanë.

Vlera e drogës së sekuestruar përllogaritet në rreth 167 mijë e 450 euro.

LEXONI GJITHASHTU:

• Berisha zbulon si kanidatët e primareve do të futen në garë në zgjedhjet lokale
• Lavdrim Lita: PS i leverdis që PD të jetë në zgjedhje, duhet për imazh