Dronët rusë në Poloni, reagon MEPJ: Qëndrojmë me aleatët tanë

Ministria për Evropën dhe Punët e Jashtme reagoi pas incidentit të ndodhur gjatë natës kur disa dronë rusë kanë shkelur hapësirën ajrore të Polonisë përpara se të asgjësoheshin.

Përmes një postimi në platformën X, Ministria e Jashtme e Shqipërisë shpreh shqetësimin për shkeljen e hapësirës ajrore të Polonisë nga dronët rusë ndërsa thekson solidaritetin e plotë me Poloninë dhe NATO.

“Thellësisht të shqetësuar nga shkelja e hapësirës ajrore të Polonisë nga dronët rusë gjatë sulmit masiv të mbrëmshëm ndaj Ukrainës. Ne qëndrojmë në solidaritet të plotë me aleatin tonë Poloni dhe me NATO-n. Përshkallëzime të tilla të rrezikshme kërcënojnë sigurinë evropiane dhe nuk do të pengojnë unitetin tonë”, thuhet në postimin në X.