Këngëtarja ndërkombëtare, koncert në Sheshin ‘’Skënderbej’’.

Nga arsyeja pse nuk performoi në Sunny Hill në Tiranë e deri tek pyetja nëse do të marrë një burrë shqiptar, Dua Lipa shoi një sërë kureshtjesh të gazetarëve në një konferencë për media të mbajtur vetëm pak orë përpara koncertit të saj në Sheshin “Skënderbej’’.

‘’Nuk kam performuar në secilin Sunny Hill që ka ekzistuar, por kam pasur shumë dëshirë të vija sot, për një ditë shumë me rëndësi dhe kam menduar që kjo është për mua dita që kam dashur të vij dhe të performoj në Tiranë.”- theksoi Lipa.

Teksa e pyetur rreth stigmatizimit që u është bërë shqiptarëve që jetojnë në Britaninë e Madhe së fundmi, ylli ndërkombëtar me shtetësi tashmë Shqiptaro- Britanike është ndalur tek detyra e gjithë secilit në promovimin e vlerave të kombit.

‘’Është një fatkeqësi shumë e madhe se si shihemi në sytë e politikanëve dhe njerëzve të tjerë. Mendoj se janë fjalë të pakëndshme dhe mendoj se kemi nevojë të luftojmë ksenofobinë kudo në botë. Është e vetmja gjë që mund të bëjmë për të ndryshuar sa mundemi stigmën që ekziston ndaj shqiptarëve.”- tha ajo.

Dua Lipës i’u dhurua nënshtetësia shqiptare si një ambasadore e denjë e vendit tonë në botë.

LEXONI GJITHASHTU: 

• Dua Lipa tregon planet pas përfundimit të turneut
• ‘Në pak vite Rusia do të zgjerohet në Ballkan’, plani që u përfol në TV kombëtar rus