“Dua që produkti të ketë markën time”-fermeri nga Lushnja që shet fara bujqësore

Fermeri Franc Kaloshi i ftuar këtë të enjte në emisionin “Good Morning Albanians” në Euronews Albania, u shpreh se shteti nuk i ndihmon në punën e tyre.

Ai theksoi se prodhon fara bujqësore, por megjithatë shteti nuk i jep një çertifikatë për këtë pasi sipas tij, duan që të shesin farat që importohen.

Mes tjerash nënvizoi se dëshira e tij është të krijojë një markë.

“Facebook e aplikoj shpesh por te ne duhet të jetë më e madhe prezenca e faktorit shtet, sepse në rast se ne  do kishim mundësi që këto produkte që i reklamojmë në faqet e internetit duhet të ishin të ambalazhuara, të certifikuara, duhet të kishin një emër, një target një origjinë nga vijnë, që çdo  klient që merr produktin të jetë në dijeni se nga vjen ky produkt. Fermeri të ketë identitetin e vet. Unë dua që produktet e mia që shes t’i kem të certifikuara. Unë prodhoj fara. Nuk më ka ndihmuar njeri. Shteti nuk më ka dhënë një çertifikatë për farat që prodhojë unë sepse duan që të shiten farat e importit”-tha ai.

LEXONI GJITHASHTU: 

• Morën peng 68-vjeçarin dhe e kërcënuan për t’i marrë para, arrestohen 2 persona
• Gazetarja: Çfarë ka ndodhur brenda burgut 313 ku po qëndron Jorgo Goro?