Ish-kryetari i bashkisë Himarë Jorgo Goro i arrestuar disa ditë më parë akuzohet nga Prokuroria e Posaçme për veprat penale “Shpërdorimi i detyrës”, kryer në bashkëpunim, “Falsifikimi i dokumenteve”, më shumë se një herë, dhe “Falsifikimi i vulave, i stampave ose i formularëve”, më shumë se një herë.
Ai u arrestua disa ditë më parë ndërsa sot është transferuar në spitalin e burgut pasi ka shfaqur probleme shëndetësore.
Gazetarja Anduena Llabani tregoi në emisionin Now në Euronews Albania paraburgimi 313, ku janë çuar edhe shumë zyrtarë të lartë të arrestuar për afera të ndryshme, është i vjetër dhe ka mungesë të theksuar infrastrukture.
Kjo, sipas saj ka bërë që vazhdimisht zyrtarët e arrestuar të ankohen se kanë probleme me shëndetin dhe kanë kërkuar transferim në spitalin e burgut.
“Te 313 është një institucion që ka shumë vite si godinë, ka mungesë të dhomave me ajrosje, ka mungesë infrastrukture, një pjesë e zyrtarëve që nuk e kanë menduar se do përfundojnë ndonjëherë aty, kanë probleme me frymëmarrjen. Një gjë e tille i ndodhi Breçanit, dhe rasti i tij me sa di unë është i vërtetë. Avokati i Goros më ka thënë se klienti i tij nuk i kishte paraqitur probleme shëndetësore dhe transferimi i tij është bërë pas kërkesës që personalisht ka bërë te administrata e burgjeve”, tha gazetarja.
LEXONI GJITHASHTU:
- Jorgo Goro shfaq probleme kardiake, shtrohet në spitalin e burgut
- Rusia thotë se i rrëzoi 18 raketa ukrainase mbi Belgorod
