“Duam të na ndërhyjnë ndërkombëtarët”, Shabani: Këta kanë 32 vite që na varfërojnë

Endrit Shabani tha se politikanët shqiptarë nuk duhet të ankohen për ndërhyrjen e ndërkombëtarëve , pasi janë ata fajtorët që varfëruan vendin dhe i kanë bërë të domosdoshme ndërhyrjet e tyre.

Ndërsa po diskutohej për apelin e bërë nga ambasadorja Yuri Kim për të mos patur ‘non grata në  zgjedhje’ , kreu i nismës Thurje tha se Shqipërisë i duhet ndërhyrja e ndërkombëtareve e, pasi ne synojmë të shkojmë drejt perëndimit.

“Ne sjemi as Gjermania as Britania që të themi mos na ndërhy në punët e brendshme, ne ku ta presim që të na ndërhyjnë në punët e brendshme. në 32 vite e kanë varfëruar aq shumë këtë vend sa e vetmja shpresë që ne kemi është të na shpëtojnë ndërkombëtarët.

Nëse në 32 vite këta do i kishin kthyer dinjitetin shqiptarëve, do i kishin kthyer dinjitetin Shqipërisë do kishin ndërtuar këtu institucione, ndoshta do i kishim harruar ndërkombëtarët. Këta janë të parët që nuk mund të kërkojnë të mos ndërhyjnë ndërkombëtarët”,-tha për  Euronews Albania Endrit Shabani.

LEXONI GJITHASHTU:

• Historitë e Picassos me gratë, vihet në pikëpyetje mënyra si piktori i trajtonte ato
• Në Shqipëri polic, në Angli me drogë| 23-vjeçari: Më duhen paratë për nënën