Duhani rriti vdekjet dhe varfërinë në 5 vitet e fundit në Shqipëri

Varësia nga duhani është e lartë në Shqipëri. Të dhënat e viteve të fundit flasin për rritje të sëmundshmërisë dhe vdekjeve në popullatë, në raportin 183 vdekje për 100 mijë banorë.

Pas vitit 2017, vdekshmëria nga duhanpirja është rritur. Të dhënat dalin nga një studim i prezantuar këtë të mërkurë me përfaqësues të ministrisë së shëndetësisë dhe organizata të Ballkanit Perëndimor.

Ky raport prezanton edhe shifra zyrtare, ku vdekjet e shkaktuara direkt apo indirekt nga duhani arrijnë në masën 23%.

Një tjetër dëm që sjell konsumi i duhanit, sidomos në familjet me të ardhura të ulëta, është varfëria. Në prezantim, rezulton se 13 mijë familje kanë rënë në varfëri për shkak, se një ose më shumë anëtarë shpenzojnë për duhan.

LEXONI GJITHASHTU

• Zgjidhja e problemit të duhanpirësve nis nga alternativat pa tym
• Vetmia mund të përshpejtojë plakjen më shumë se pirja e duhanit, zbulon studimi
• ‘Lufta’ me bishtat e cigareve në Danimarkë, autoritetet: Taksë kompanive të duhanit