“Duhet të largohet”, Basha i mbyll derën ftesës së Ramës për bashkëqeverisje

Kryetari i Partisë Demokratike Lulzim Basha ka “mbyllur derën” për çdo bashkëpunim të mundëshëm me Kryeministrin Rama pas 25 prillit.

“Tani që e ka kuptuar se shumica dërrmuese e shqiptarëve duan ndryshim, tani kërkon të behët pjesë e qeverisjes me Aleancën për Ndryshim, përgjigjja ime është jo, sepse siç e ka thënë dikur vetë “kur ke patur tetë vjet dhe nuk ke arritur dot ato që ke premtuar”, në fakt s’ke arritur asgjë, nuk i arrin dot as për katër vjet të tjera”, tha Basha.

Ai u shpreh se kryeministri aktual nuk do të ketë asnjë mundësi të bëhet pjesë e aleancës për ndryshim pasi për 8 vite dështoi që të përmbushte premtimet e tij, prandaj duhet të largohet

“Nuk mund të ketë qeverisje me Edi Ramën dhe shërbëtorët e tij. Nuk mund të ketë bashkëqeverisje me ato që për tetë vite me radhë dështoi dhe tani kërkon edhe katër vite të tjera, kjo nuk ka për të ndodhur”, theksoi Basha.

LEXONI GJITHASHTU: 

• Bashkëpunim Rama-Basha? Analistët zbërthejnë mesazhin e ftesës së kryeministrit
• Rama përsërit ftesën për bashkëpunim për Bashën, por me një kusht
• Thirrja e Ramës për bashkëpunim me Bashën, kryeministri: U keqinterpretua, nuk kemi nevojë për votat e djathta