Duhet vullnet politik për të goditur krimin, thotë eksperti

Duhet vullnet politik për të goditur krimin. Ishte kjo deklarata e Ergys Muzhaqit, ekspert i sigurisë publike.

Ai kujtoi për “SOT” në Euronews Albania dy momente të rëndësishme për historinë e krimit në Shqipëri, periudha e 97-tës dhe post 97, ku shtoi dhe periudhën e anëtarësimit në NATO dhe liberalizimit të vizave, para se të vijmë te qeveria Rama që sipas Muzhaqit është një moment i tretë dhe shumë i rëndësishëm.

Mirëpo, eksperti thotë se në periudhën e 97-tës dhe post 97 policia kishte vullnetin dhe aftësinë për të goditur një sërë bandash që sot janë ose në varr ose në burg.

Në qeverinë e Berishës Muzhaqi thotë se shqiptarët dolën nga harta e trafikimit të lëndëve të forta narkotike, kokainë dhe heroinë, pra pati përsëri vullnet politik.

“Unë mendoj që sot SPAK-u është për herë të parë në historinë e shtetit shqiptar para një pozite që nuk ka qenë askush tjetër më parë, është në pozitat që të zbatohet ligji pavarësisht vullnetit politik,” – tha Muzhaqi.

LEXONI GJITHASHTU:

• 1 milion euro për 1 vrasje të dyfishtë, thotë gazetari Ferhati