Duka: Gjiknuri ishte bujar kur tha 20 bashki për opozitën, marrim më pak të përçarë

Kryetari i PAA-së, Agron Duka tha në një intervistë për Euronews Albania se opozita pritet të humbë thellë në zgjedhjet lokale të 14 majit nëse nuk arrihet bashkimi.

Duka u shpreh se ndarja do ripërsërisë atë që ndodhi në zgjedhjet e pjesshme.

Ai theksoi se partia që drejton nuk ka asnjë bashkëpunim apo ftesë për bashkëpunim me asnjë nga grupimet brenda PD,  por se me shumë mundësi do t’i bashkojnë votat me kandidatët e Berishës, që vota të mos shkojë dëm.

“Nuk shoh fitore në horizont, e kemi shumë të vështirë derisa 4 muaj para zgjedhje jemi të përçarë. Gjykimi i grupimit të Alibeajt është i gabuar, pasi votat e tyre do t’i shkojnë të majtës. Nëse bëhen rreth një kandidature, mund të fitojnë mjaftueshëm bashki që të mendojnë për zgjedhjet parlamentare. Rruga e vetme është bashkimi. Në këtë rrugë siç jemi, nëse nuk arrihet bashkimi, faturat e humbjes do i marrin këta njerëz. Nëse nuk ka bashkim, ai Gjiknuri në një deklaratë është treguar bujar, që opozita do marrë 20 bashki. Unë jam pesimist, nëse vazhdojnë të jenë të përçarë, do marrë më pak”,  tha Duka.

LEXONI GJITHASHTU:

• Duka: Duhet të mendojmë zgjedhjet parlamentare, Berisha ka afatin e tij politik
• Duka tregon propozimin që i kanë bërë PD për kandidatët e 14 majit