Durrës: Arrestohet 40-vjeçari i shpallur në kërkim për disa vjedhje

Policia e Durrësit ka finalizuar operacionin e koduar “Custom”, duke arrestuar Dritan Balla, i shpallur në kërkim për një sërë vjedhjesh automjetesh, banesash dhe shumash parash.

40 vjeçari Dritan Balla, akuzohet për disa vjedhje të ndodhura gjatë muajit mars në Durrës dhe Shijak. Sipas hetimeve, ai dyshohet se ka vjedhur dy automjete, të cilat u sekuestruan gjatë operacionit, si dhe një shumë prej 10,000 dollarësh brenda një makine.

Gjithashtu, më 12 mars, në bashkëpunim me një tjetër person tashmë të arrestuar, ai ka vjedhur sende dhe orendi në një banesë.

Operacioni u realizua nga Policia e Durrësit në bashkëpunim me Stacionin e Policisë Plazh, pas lokalizimit të 40-vjeçarit në bazë të informacioneve të siguruara.

Materialet hetimore i janë referuar Prokurorisë së Durrësit për vijimin e procedurave ligjore.

LEXONI GJITHASHTU:

• “U përpoqa t’i ndihmoj, por…”- Flet në gjykatë shoferi i betonieres nga aksidenti
• Izraeli kryen sulme hakmarrëse ndaj Hezbollahut