Durrës| Makina përplas të moshuarin me motor, si paraqitet gjendja e tij

Një aksident rrugor ka ndodhur këtë të shtunë në rrugën “Azem Hajdari” në Durrës, ku një automjet ka përplasur një të moshuar i cili lëvizte me motor.

Burime bëjnë me dije se menjëherë pas aksidentit, i moshuari është dërguar në urgjencën e spitalit me ambulancë për ndihmë mjekësore. Fatmirësisht ndodhet jashtë rrezikut për jetën, duke pësuar vetëm dëmtime të lehta në kokë.

Nga ana tjetër, banorët e zonës shprehin shqetësimin se kjo rrugë është bërë një pikë e nxehtë aksidentesh, ku sipas tyre ndodhin aksidente pothuajse çdo javë. Vetëm gjatë muajve të fundit, në këtë segment rrugor janë regjistruar dhjetëra aksidente, duke ngritur pikëpyetje mbi sigurinë e qarkullimit.

LEXONI GJITHASHTU:

• Aksident i rëndë në aksin Levan-Vlorë, humb jetën një këmbësor
• Humb jetën në spitalin e Durrësit një 11-vjeçar