Humb jetën në spitalin e Durrësit një 11-vjeçar

Një fëmijë 11-vjeçar ka ndërruar jetë këtë të enjte në spitalin e Durrësit pas një gjendjeje të rënduar shëndetësore.

Sipas informacioneve të siguruara nga Euronews Albania, fëmija ishte intubuar për shkak të komplikacioneve të rënda shëndetësore dhe, pavarësisht përpjekjeve për t’u transportuar në spitalin e Tiranës për trajtim të mëtejshëm, ai nuk ka mundur të mbijetojë.

Fëmija nga Sukthi ka humbur jetën si pasojë e një hemorragjie cerebrale, ndërsa gjendja e tij u përkeqësua për shkak të dëmtimit të rëndë cerebral.

Ministria e Shëndetësisë ka sqaruar se humbja e jetës nuk ka lidhje me situatën virale të gripit sezonal, duke theksuar se i mituri kishte pasur probleme të mëparshme me enët e gjakut.

LEXONI GJITHASHTU:

• Shantazhonin minorenët duke i shpërndarë foto intime, arrestohen dy persona
• Aksident në Gjirokastër| Ambulanca përplaset me një makinë, dëmtohet pacientja