Durrës, mbi 1600 gjoba dhe 8 të arrestuar gjatë dhjetorit nga “Rrugorja”

Policia Rrugore e Durrësit njofton se gjatë muajit dhjetor ka arrestuar 8 drejtues mjetesh dhe proceduar penalisht 5 të tjerë, për shkelje të ndryshme të Kodit Rrugor, përfshirë drejtimin e mjetit në gjendje të dehur, pa leje drejtimi dhe shkelje të tjera të përcaktuara nga neni 290 dhe neni 291 të Kodit Penal.

Gjithashtu janë vendosur gjithsej 1683 masa administrative, si më poshtë:

• Tejkalim shpejtësie: 760 masa
• Mosvendosje e rripit të sigurimit: 108 masa
• Mosmbajtje e kaskës mbrojtëse: 25 masa
• Përdorim i celularit gjatë drejtimit të mjetit: 75 masa
• Drejtim i mjetit në gjendje të dehur: 5 masa
• Parakalim i gabuar: 39 masa
• Ndalim/qëndrim i gabuar: 518 masa
• Mungesë siguracioni: 6 masa
• Shkelje të tjera të Kodit Rrugor: 286 masa

Policia Rrugore do të vijojë të jetë e pranishme në çdo aks të qarkut për të parandaluar aksidentet dhe për të garantuar rendin e sigurinë rrugore.

LEXONI GJITHASHTU:

• Policia e Shtetit publikon planin e masave për festat e fundvitit
• Festat e fundvitit, fluks hyrjesh në portin e Durrësit