Policia Kufitare ka proceduar pebnalisht një 54 vjeçar italian në portin e Durrësit, pasi ka tentuar të fuste në Shqipëri 24.070 euro pa i deklaruar në pikën kufitare.

Shtetasi me iniciale M.A. , i shpallur në kërkim nga Interpol Bern, e fshehu këtë shumë parash në automjetin e tij tip “Porsche Cayenne”.

Në vijim të veprimeve procedurale për këtë paligjshmëri, specialistët për Hetimin e Krimeve në Durrës referuan materialet në Prokurori, ku nisi procedimi në gjendje të lirë për shtetasin italian.

Gjithashtu, sekuestruan në cilësinë e provës materiale, automjetin dhe shumën e eurove.

Materialet procedurale i kaluan Prokurorisë pranë Gjykatës së Shkallës së Parë Durrës, për veprime të mëtejshme, për veprat penale “Trafikimi i mjeteve motorike” dhe “Mosdeklarimi në kufi i të hollave dhe i sendeve me vlerë”.

LEXONI GJITHASHTU:

• Siguroi 12 kg kokainë e heroinë për t’i shitur në Durrës, arrestohet 31-vjeçari
• Në kërkim nga Kosova për ‘trafikim personash’, arrestohet 47-vjeçari në Durrës