Dy gra rrahin të moshuarën në Pejë, Pacolli: Keni abuzuar me një nënë dëshmori

Kryetari i AKR-së, Behgjet Pacolli, ka reaguar për videon që ka qarkulluar në rrjetet sociale, ku dy punonjëse shfaqen duke dhunuar një të moshuar në shtëpinë e pleqve që Pejë.

Në një postim që ka bërë në rrjetet sociale, ai thotë se gruaja që u dhunua është nëna e një dëshmori, por nuk ka bërë me dije emrin.

Ndërkohë ai ka bërë dhe disa pyetje publike për vajzat që dhunuan gruan ndërsa shpreh dëshirën për ta takuar këtë të fundit.

“Ju që e goditni, ju që qeshni dhe ju që filmoni. Çfarë keni për të thënë tani? A e shihni që gjithçka në këtë botë kthehet si një bumerang. Keni krijuar lajme negativë në të gjithë vendin. Keni abuzuar me një nënë të moshuar. Madje e një dëshmori. Unë dëshiroj shumë ta takoj këtë grua dhe të dëgjoj çfarë ka për të thënë ajo. Por ju që keni shkaktuar këtë dhunë, shpresoj se do të keni mjaft kohë për të menduar për veprimin tuaj në qelinë tuaj”, shkruan ai.

LEXONI GJITHASHTU: 

• Dhunimi i të moshuarës në Pejë, reagon ministri Xhelal Sveçla
• FOTO/ Dy punonjëset dhunojnë të moshuarën në shtëpinë e pleqve në Kosovë