Dy oficerë u vranë kur ndiqnin varkën e trafikantëve, arrestohen 8 persona në Spanjë

Miguel Angel Gomez Gonzalez, 39 vjeç dhe David Perez Carracedo, 43 vjeç, vdiqën kur një skaf përplasi anijen më të vogël të policisë. Dy oficerë të tjerë u plagosën, njëri është në gjendje të rëndë.

Ngjarja ka ndodhur në portin jugor të Barbate, pranë Cadiz, të premten mbrëma. Sipas të përditshmes spanjolle El Pais, kryebashkiaku i Barbate, Miguel Molina, kontaktoi Gardën Civile duke kërkuar ndihmë pasi gjashtë “narko-barka” u pikasën nga banorët që strehoheshin nga një stuhi në portin e qytetit.

Ndjekja vdekjeprurëse me varkë ndodhi më vonë atë mbrëmje. Në një video të shpërndarë në rrjetet sociale, njerëzit në breg dëgjohen duke brohoritur në dukje trafikantët teksa skafi përplaset me gomonen e policisë.

Incidenti ka tronditur komunitetin lokal dhe ka ndezur thirrjet për t’i dhënë policisë më shumë kompetenca për të luftuar trafikantët e drogës, shkruan BBC.

LEXONI GJITHASHTU:

• Varësia nga rrjetet sociale, sociologët: Emergjencë, po rrit vetminë dhe vetëvrasjet
• Scholz: Gjermania do ta arrijë cakun e NATO-s prej 2% të shpenzimeve të GDP