Dyshohet se u godit nga një mjet, 18-vjeçari që u rrëzua me motor dërgohet te Trauma
Është identifikuar personi që mbrëmjen e së mërkurës u gjet i rrëzuar me motorin e tij në një rrugë të Pogradecit.
Ai është 18-vjeçari Bernard Rexhollari, i cili ka mbetur i plagosur rëndë dhe, për këtë arsye, është dërguar në Spitalin e Traumës në kryeqytet.
18-vjeçari ka një hematomë të fortë në kokë dhe, për pasojë, gjendja e tij ishte kritike.
Edhe pse ai kishte me vete një skafandër, nuk e kishte vendosur atë gjatë kohës që udhëtonte me motor.
Ndërkohë, policia po heton në dy pista: e para, një rrëzim i mundshëm i motorit që drejtohej nga 18-vjeçari; dhe e dyta, mundësia e goditjes së motorit nga ndonjë mjet tjetër në pjesën e pasme.
Dyshimet për këtë të fundit kanë lindur pasi motori ka një goditje në pjesën e pasme, e cila zakonisht nuk shkaktohet nga rrëzimi i vetë motorit.
Policia ka sekuestruar edhe disa kamera sigurie të bizneseve në zonë, për të parë të gjithë dinamikën e ngjarjes.
Ndërkohë, 18-vjeçari vijon të jetë nën kujdesin e mjekëve në Spitalin e Traumës, në sallën e reanimacionit.
LEXONI GJITHASHTU:
Kryefaqja
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta