Dyshohet se u përfshinë në sherrin në Pejë, arrestohet reperi Noizy dhe Dj Crax

Është vënë në prangat e Policisë reperi Rigels Rajku, i njohur si Noizy dhe DJ i tij, Bahtjar Bajraktarin e njohur si DJ Crax.

Përmes një njoftimi Policia bën të ditur se ata ishin shpallur në kërkim nga Policia e Kosovës.

Noizy u ndalua në zonën e Kunës në Shëngjin, ndërsa akuzohen për dhunimin e një personazhi të Tik Tok, Medi Isenit dhe një të afërmi të tij në Pejë.

Arrestimi i tyre u bë me qëllim ekstradimin në Kosovë. Gjithashtu në kërkim për sherrin e ndodhur në një prej klubeve të natës në Pejë është edhe Arkimed Lushaj, i njohur si Stresi.

Njoftimi i Policisë:

Policia e Shtetit

Finalizohet operacioni policor i koduar “Fast”.

Kapen nga Fast Albania dhe vihen në pranga 2 shtetas të kërkuar nga Policia e Kosovës.

Në vijim të operacioneve të njëpasnjëshme për kapjen e shtetasve të shpallur në kërkim, nga Drejtoria e Forcës së Posaçame Operacionale, Sektori për Kërkimin, Njësia “FAST Albania” në Departamentin e Policisë Kriminale në PSH, është marrë informacion nga FAST Kosova, për 2 shtetas të kërkuar për llogari të Kosovës, që mund të fshiheshin në Shqipëri.

Menjëherë, FAST Albania, bazuar në inteligjencën policore, bëri të mundur lokalizimin e 2 të kërkuarve, dhe në kuadër të operacionit policor “Fast”, kapi në Lezhë dhe arrestoi 2 shtetasit e shpallur në kërkim nga Policia e Kosovës, konkretisht shtetasin R. R., nga Durrësi, dhe shtetasin B. B., nga Prishtina.

Kapja dhe arrestimi i tyre u bënë me qëllim ekstradimin në Kosovë.

LEXONI GJITHASHTU:

• I shpallur në kërkim nga policia e Kosovës, reagon Noizy: Është kurth, s’kam gisht
• Sherri me personazhin e TikTok, shpallet në kërkim nga policia Kosovës Noizy