“E ardhmja e Shqipërisë është BE”, Rama në Përrenjas: Votoni PS që të mos kthehemi 8 vite pas

Nga Përrenjasi, kryesocialisti Edi Rama u ka kërkuar qytetarëve që të votojnë Partinë Socialiste që të mos kthehen 8 vite pas.

Duke folur për largimin e të rinjve nga vendi, Rama tha se ata që largohen tani, e kanë një profesion dhe jetojnë me dinjitet në vendet ku shkojnë.

“Nëse biem pre e sirenave joshëse të jetës fushë me lule, që vijnë vërdallë me buri e me makina dhe ndalojnë duke thënë do t’i japim 1 mije euro këtij, 5 mijë atij, i keni parë, me buri e me makina, Xhaferrët, Sudet, Vehbitë. E çfarë pamë më pas, pamë atë që mos e paftë kurrë më asnjë familje e këtij vendi, pamë atë që thotë populli, që rruga e shkurtër të nxjerr gjatë. Na nxori jo vetëm gjatë, por na nxori në fundin e një gremine ku vuajtëm për t’u ringritur.

Nuk është mëkat për një vajzë apo djalë të largohet në një vend tjetër për një perspektivë për vete, por dua që edhe kur largohet të rinjtë shqiptarë të kenë një zanat me vete, të jenë të armatosur me dije dhe aftësi, të kenë një vend të sigurt pune e të mos bien pre e trafikantëve”, tha kreu i PS.