Xhudistja e “artë” e Kosovës, Distria Krasniqi, ka mundur të kalojë në gjysmëfinalet e Grand Slamit që po mbahet në Paris.
- Advertisement -
Ajo do të ndeshet sot për të arritur finalen e këtij kompeticioni.
Krasniqi do të përballet me xhudisten franceze, Amandine Buchard në kuadër të kategorisë deri në 52 kilogramë.
Gjatë rrugëtimit të saj për në gjysmëfinale, Krasniqi raundin e parë e kaloi pa luftë, kurse në të dytin e mposhti spanjollen, Marina Diez Castello.
Ndërkaq, në çerekfinale, Distria e mposhti xhudisten mongoleze, Sosorbaram Lkhagvasuren.
Ajo pritet të ndeshet sot me xhudisten franceze për të prekur finalen, dhe pse jo të sigurojë një tjetër medalje të artë.
