Partia e Matteo Salvinit, Lega, ka reaguar ashpër ndaj vendimit të Gjykatës së Romës, e cila nuk ka miratuar mbajtjen e emigrantëve në Shqipëri, duke e cilësuar këtë vendim të papranueshme dhe të rëndë.

Në një deklaratë, ata theksuan se ky vendim vjen në një moment të rëndësishëm, përkatësisht në ditën e seancës gjyqësore për procesin “Open Arms” kundër Salvinit.

Lidhur me çështjen “Open arms”, kujtojmë që Matteo Salvini akuzohet se ka mohuar në mënyrë të paligjshme, në gusht 2019, anijen e OJQ-së spanjolle Open Arms të zbarkojë 147 refugjatë të shpëtuar në det në portin e Lampedusa.

Anija Opem Arms qëndroi e pa lëvizur përballë Lampedusa për 20 ditë. Ishin magjistratët e Agrigento-s, pas një inspektimi në bord nga prokurori i atëhershëm Luigi Patronaggio, ata që urdhëruan zbarkimin urgjent të refugjatëve.

“Pikërisht në ditën e seancës gjyqësore për procesin Open Arms kundër Matteo Salvinit, urdhri që nuk miraton mbajtjen e emigrantëve në Shqipëri është veçanërisht i papranueshëm dhe i rëndë. Gjykatësit pro-emigrantë le të kandidojnë në zgjedhje, por le ta dinë që nuk do të trembemi”, thuhet nga parta e Salvinit.

LEXONI GJITHASHTU:

• Lëvizja “5 YJET” pas vendimit për afganët: Meloni kërko falje dhe kthe paratë
• Marrëveshja me emigrantët, Gjykata e Romës: Të gjithë refugjatët të kthehen në Itali