E djathta ekstreme në Austri bojkoton fjalimin e Zelenskit

Më shumë se 20 deputetë austriakë të ekstremit të djathtë dolën nga parlamenti gjatë një fjalimi të presidentit ukrainas Volodimir Zelenski.

Politikanët nga Partia e Lirisë argumentuan se fjalimi i Zelenski shkelte neutralitetin e Austrisë.

Ata paralajmëruan përpara fjalimit se do të mbanin një formë proteste kundër fjalës së presidentit ukrainas.

Austria ka thënë më parë se nuk mund të ndihmojë ushtarakisht mbrojtjen e Ukrainës, por e mbështet politikisht Kievin.

Në një fjalim video, Zelenski falënderoi Austrinë për ndihmën e saj humanitare dhe ndihmën në pastrimin e minave tokësore. Ai po fliste në ditën e 400-të të pushtimit rus.

Ai gjithashtu ftoi deputetët që të udhëtojnë vetë në Ukrainë dhe të shohin shkatërrimin e shkaktuar.

Presidenti i dhomës së ulët të parlamentit të Austrisë, Wolfgang Sobotka, premtoi më shumë ndihmë financiare dhe humanitare për Ukrainën dhe tha se vendi meriton solidaritetin e Austrisë.

Por ndërsa Zelenski foli, një grup politikanësh dolën dhe lanë pankarta në tavolinën e tyre me logon e partisë që shkruante “hapësirë ​​për neutralitetin” dhe “hapësirë ​​për paqen”.

LEXONI GJITHASHTU:

• Erdogan të dielën takim me Putin dhe Zelenskin
• Biden kundër Zelenskit: Raketat që ranë në Poloni ishin të Ukrainës