E enjtja në Europa dhe Conference League, në fushë dy ekipe shqiptare

E enjtja është një tjetër mbrëmje e futbollit evropian, ku luhen duelet e Europa dhe Conference League. Interesant është fakti që në kompeticionin e tretë për nga rëndësia, ku sot ngre siparin faza e ligës, marrin pjesë 2 ekipe shqiptare, Shkëndija dhe Drita. Të dyja i kanë mbyllur përgatitjet dhe janë gati për nisjen e kësaj aventure vërtet të jashtëzakonshme.

Kampionët e Kosovës përballen me Kups, ndërsa ky është ballafaqimi i parë mes tyre. Favoritë në letër konsiderohen të cilët në kampionat mbajnë vendin e tretë. Në anën tjetër Drita nuk po kalon kohë të mirë me 2 fitore në 5 ndeshejt e fundit dhe në kampionat renditet në vendin e gjashtë.

Për Shkëndijën shorti është më i vështirë në nisje, ku sfidon Rayo Vallecanon, ekipin që aktivizohet dhe mbrojtësi shqiptar Ivan Balliu. Këta të fundit cilësohen favoritë të padiskutueshëm për marrjen e 3 pikëve të para në këtë aventurë evropiane. Forma e Rayo Vallecano në La Liga nuk është pozitive, por sërish mbetet një ekip i fort në fushë.

Në Europa League po ashtu luhen 18 përballje, ku sigurisht vëmendja më e madhe është te skuadra si Roma, Porto, Lyon apo Aston Villa.