E hodhën me makinë drejt liqenit, zbardhen detaje të reja nga vdekja e 23-vjeçarit

Gazetari Martin Marku, solli detaje të reja për ngjarjen e rëndë ku nje i ri 23-vjeçar u gjet pa shenja jete pranë liqenit të Shkopetit.

Sipas gazetarit në trupin e 23-vjeçarit, Renis Dobra, janë konstatuar shenja mavijosjesh dhe dhune, që tregojnë se ai mund të jetë mbytur dhe më pas hedhur pranë ujërave të liqenit ku u gjet i pajetë.

Automjeti i tij ende nuk është gjetur dhe dyshohet se mund të jetë brenda liqenit ndërsa trupi i tij u konstatua pranë bregut të ujit.

Gazetari thotë se autorët e ngjarjes dyshohet të jenë më shumë se dy persona ndërsa mendohet se i riu ka qenë në makinë kur personat kanë shtyrë mjetin drejt liqenit, dhe gjatë rrokullisjes trupi mund të ketë dalë jashtë.

Sipas disa burimeve Renis Dobra kishte qenë më parë i proceduar për vjedhje dhe aktualisht po merren në pyetje familjarët e tij.

Ekzistojnë dyshime, ende të pakonfirmuara, se ai mund të ketë qenë i përfshirë në kultivimin e lëndëve narkotike, por pista kryesore është që ai është dhunuar rëndë.

Në qafën e tij janë gjetur mavijosje që mund të kenë ardhur nga një mjet i fortë, i cili dyshohet se i ka shkaktuar edhe vdekjen e tij, përpara se ta hedhnin me makinë nga rruga kryesore drejt liqenit të Shkopetit ku pas disa rrotullimeve të automjetit, dyshohet se trupi ka dalë jashtë makinës.

LEXONI GJITHASHTU:

• Mister pranë liqenit të Shkopetit/ 23-vjeçari gjendet i vdekur, makina brenda ujit
• Tentoi të largohej dhe përplasi patrullën, 29-vjeçari lëndon 2 policë në Tiranë