“E kam kundërshtuar për 30 vjet”, Prokiç: Vuçiç mund të mbahet mend si hero nëse…

Dramaturgu serb, Nenad Prokiç, i ftuar në “Balkan Talk” në Euronews Albania tha se Presidenti Vuçiç mund të mbahet mend si hero në Serbi në rast se lë pas politikat e gabuara dhe krijon orientime të reja për Serbinë.

I pyetur nëse mendon se Aleksandër Vuçiç do t’i zbatojë seriozisht të gjitha kërkesat që dolën nga Marrëveshja e Ohrit, Porkiç është përgjigjur se edhe nëse nuk do dojë ai do jetë i detyruar t’i zbatojë.

“Unë kam qenë 30 vjet kundër Vuçiçit në të gjitha nivelet. Është vërtet për të ardhur keq. E kuptoni sa të vështirë e kam që duhet ta mbështet sepse edhe sa vite duhet të presim që të vijë burri që firmos dhe rri në pushtet në Serbi? Prandaj ai e ka këtë mundësi. Ka gabime politike sipas këndvështrimit tim, por është mundësi për ne sepse mund ta bëjë dhe mund të rrijë në pushtet, çka është shume e rëndësishme për një politikan.

Ai mund të mbahet mend si hero, jo vetëm për Serbinë, mund të mbahet mend si njeriu që krijoi orientimet e reja për Serbinë, t’i lërë pas të gjitha politikat e gabuara me luftërat, me gjenocidin dhe me gjërat e tjera të shëmtuara gjate 3 dekadat e fundit. Nuk e di a është në dijeni për atë mundësi. Shpresoj të jetë. Nuk është i çmendur si Millosheviçi”,-tha pwr Euronews Albania Nenad Prokiç.

• Popullariteti dhe shanset për të votuar Arlind Qorin dhe Lajla Përnaskën
• E rëndë në Pejë, dyshohet se djali vrau nënën
• Presidentja Osmani në takim me zv.kryeministrin italian Tajani, ja çfarë diskutuan