“E kam tepruar”, reagon pas shkarkimit ish-drejtori i Bayern Munich

Pas shpalljes kampion në kampionatin gjerman bordi drejtues i Bayernit të Mynihut vendosi për shkarkimin e dy drejtorëve të kësaj skuadre, Oliver Kahn dhe Hasan Salihamidzic.

Ka qenë ky i fundit i cili ka reaguar në lidhje me vendimin e marrë nga klubi, ndërsa ka pohuar se shpesh e ka tepruar me reagimet e tij, të cilat kanë ardhur si pasojë e situatës së gjendur.

“E pranoj se nuk kam qenë i vërtetë në daljet për media, pra kam transmetuar njeriun e ashpër. Por situata të caktuara më kanë ndikuar të vesh këtë uniformë. Në jetën e përditshme jam shumë i butë dhe i dashur me njerëzit.

Kam mësuar shumë dhe do të më vlejë mbi të ardhmen. Bavarezët do të jenë gjithmonë një klub i suksesshëm, pavarësisht se kush do të mbajë pozicione të caktuara, pasi triumfi është në ADN-në e tyre. Faleminderit Bayern!”-tha Hasan Salihamidzic në reagimin e tij për mediat.

46-vjeçari ka luajtur për 9 vite me kampionët e Gjermanisë, ndërsa menjëherë pas tërheqjes mori postin e drejtorit teknik.

Dështimi i bavarezëve këtë sezon duke u eleminuar nga Liga e Kampionëve dhe Kupa e Gjermanisë, bëri që ndaj tij dhe Kahn të nisnin një sërë sulmesh nga tifozët, të cilët kërkonin me patjetër largimin e tyre.

LEXONI GJITHASHTU:

• Nis sezoni në Shkodër, probleme me mbeturinat në Velipojë e Theth
• Petro Koçi: Basha nuk ka impakt politik, s’është personalitet që premton fitore