E regjistruar nga Lenon në 1970, Inteligjenca Artificiale risjell këngën e “Beatles”

Inteligjenca Artificiale risjell edhe një herë në treg grupin e famshëm “Beatles”.

“Now and Then”, është një këngë e papublikuar nga ky grup legjendar pop, e cila publikohet këtë nëntor.

Kënga u regjistrua nga John Lenon në një demo në vitet shtatëdhjetë. Njëzet vjet më vonë, e veja e tij ua dorëzoi atë anëtarëve të tjerë të grupit, të cilët nuk ishin në gjendje të nxirrnin zërin e Lenonit me cilësi të mjaftueshme.

“Ja ku ishte zëri i John-it, kristal i qartë”, tha Paul McCartney në një deklaratë.

“Është mjaft emocionuese. Dhe ne të gjithë luajmë në të, është një regjistrim i vërtetë i Beatles. Në vitin 2023, të punosh ende në muzikën e Beatles dhe gati të publikosh një këngë të re që publiku nuk e ka dëgjuar, mendoj se është një gjë emocionuese”- u shpreh artisti.

Kënga u shkrua dhe u këndua nga John Lennon në fund të viteve 1970 në shtëpinë e tij në Dakota në New York.

Por falë Inteligjencës Artificiale, Paul McCartney sot (81-vjeç) dhe Ringo Starr (83-vjeç), dy të vetmit të mbijetuar nga Beatles, kanë arritur të ribashkojnë grupin pesëdhjetë e tre vjet pas ndarjes së tyre.

LEXONI GJITHASHTU:

• Erdogan i kërkon Izraelit të ndalojë sulmet në Gazë
• Rikthehen “Beatles”, pas 50 vitesh ndarje publikojnë këngën e fundit