E rëndë në Berat, 57-vjeçari qëllohet aksidentalisht për vdekje nga bashkëfshatari

Një ngjarje e rëndë ka ndodhur mbrëmjen e sotme në fshatin Bogdan në Berat. Një 57-vjeçar ka humbur jetën, pasi është qëlluar nga bashkëfshatari i tij 53-vjeç.

Të dy ishin duke ruajtur prej disa netësh parcelat me misër, të cilat po dëmtoheshin nga derrat e egër. Në përpjekje për të gjuajtur një prej tyre, 53-vjeçari Dhimitër Kuqi ka qëlluar aksidentalisht bashkëfshatarin e tij, Adriatik Toska, i cili ka gjetur vdekjen e menjëhershme.

Në vendngjarje kanë mbërritur forcat e policisë, të cilat po kryejnë veprimet e para hetimore për të zbardhur rrethanat e ngjarjes. Autori është shoqëruar në Komisariatin e Policisë së Beratit.

LEXO GJITHASHTU:

• Tre mjete përfshihen në një aksident të fortë në Berat, 3 të lënduar në spital
• Aksident në Berat: Motorri përplas biçikletën, dërgohen në spital drejtuesit