E rëndë në Korçë, bashkëshorti lyen me lëndë djegëse ish-partneren e i vendos flakën

Një grua është paraqitur në spitalin e Korçës me djegie të shumta në trup.

Rreth orës 16:30, në lagjen nr. 2, Korçë, në rrugë, shtetasi Bledar Trëndafili, 45 vjeç, ka tentuar të djegë me lëndë djegëse  benzinë ish-bashkëshorten e tij, Melisa Trëndafili, 31 vjeçe.

Burime bëjnë me dije se çifti ishte në proces divorci, ndërkohë që policia e Korçës është vënë në kërkim të autorit të dyshuar, pasi pas ngjarjes ai është larguar nga banesa.

Gjendja e gruas është e rëndë, ndaj për këtë pritet të niset drejt kryeqytetit për mjekim më të specializuar.

Grupi hetimor nën drejtimin e Prokurorisë  ndodhet në vendngjarje dhe po punon për sqarimin e rrethanave dhe dokumentimin ligjor të rastit.

LEXONI GJITHASHTU:

• Aksident me 2 të plagosur në aksin rrugor Korçë-Maliq
• Dy të rinj nga Gana në Korçë, të punësuar në sektorin e shërbimit: Jemi të kënaqur