Një kandidate për kryebashkiake e partisë në pushtet u qëllua për vdekje të hënën në Meksikën qwndrore gjatë ditës së parë të fushatës së saj.

Sipas mediave të huaja, vrasja e Gisela Gaytan erdhi pavarësisht se ajo kishte kërkuar mbrojtje nga autoritetet, por nuk kishte marrë asnjë përgjigje.

Një kandidat për këshillin e qytetit gjithashtu u raportua fillimisht si i qëlluar për vdekje në incident, por Ministria e Sigurisë më vonë tha se personi në fjalë ishte zhdukur.

Të hënën në mbrëmje, Gisela Gaytan sapo kishte paraqitur planin e saj të strategjisë së sigurisë përpara një mitingu në Celaya, Guanajuato, kur persona të armatosur hapën zjarr, duke e vrarë atë në çast.

Prokurori i shtetit të Guanajuato tha se po hetonte vrasjen. Asnjë arrestim nuk është bërë bërë deri më tani lidhur me ngjarjen.

Arsyet pse Gaytan u vu në shënjestër ishin të paqarta, por shteti Guanajuato në vitet e fundit ka regjistruar disa nga numrat më të lartë të vrasjeve në Meksikë dhe ka përjetuar luftëra në terren midis grupeve kriminale.

Analistët e sigurisë thonë se shumica e dhunës zgjedhore priret të ndodhë në nivel komunal, ku bandat ushtrojnë presion për të ndikuar në rezultatin e zgjedhjeve, me shpresën për të siguruar më shumë kontroll mbi trafikun e drogës dhe akteve të tjera kriminale.

LEXONI GJITHASHTU:

• Vritet në atentat kryebashkiaku në Meksikë, shpëton i biri i mitur 14-vjeçar
• Vrasja e një vajze 8-vjeçare ‘ndez’ dhunë në Meksikë