Edhe sa do të zgjasë moti i paqendrueshëm? Hakil Osmani tregon si do të jetë koha këtë javë

Reshjet “surprizë” do të jenë normale gjatë 15 ditëshit të parë të qershorit ndërsa pjesa tjetër e muajit rezervon mot të qëndrueshëm dhe temperatura të larta.

Meteorologu i Meteoalb, Hakil Osmani tha se java ka nisur me mot të dominuar nga vranësirat që do të krijojnë dhe reshje nga mesdita por mbrëmja do të rikthejë motin e kthjellët.

Parashikimi i motit këtë javë përkon me vranësira të cilat siç sqaroi Osmani, do të largohen gjatë fundjavës, duke bërë që vija bregdetare të jetë pothuajse gjatë gjithë ditës në mbizotërimin e kthjellimeve dhe vranësirave të pakta.

“Temperaturat e ajrit në fakt, sjellin një rënie me 2 gradë Celcius gjatë kësaj fillim jave duke bërë që ditën e martë të zbresin në vlerat minimale në 9 gradë Celcius në zonat malore ndërsa maksimumet pritet të shkojnë deri në 28 gradë Celcius në ultësirën perëndimore,” – u shpreh meteorologu teksa theksoi se nga dita e mërkurë e në vijim do të kemi një rritje graduale të vlerave termike.

Moti në Kosovë dhe Maqedoninë e Veriut do të jetë i paqëndrueshëm me vranësira të cilat do të krijojnë mundësinë e reshjeve, ndërkohë një përmirësim i kohës pritet nga mesi i javës.

LEXONI GJITHASHTU: 

• Vranësira dhe reshje, pritet përmirësim i motit nga e mërkura
• Temperatura deri në 30 gradë, Hakil Osmani tregon si do të jetë moti për fundjavën
• Parashikimi i motit, kohë e mirë dhe temperatura të larta