Edicioni i 33-të i lojërave olimpike, mbi 10 mijë sportistë nga mbarë bota në Paris

Përgatitjet kanë marrë fund, Parisi është gati për eventin më të madh të shumësportëshit, pikërisht lojërat olimpike, në edicionin e tyre të 33-të. Një event i cili pritet të ndiqet masivisht, ndërsa kryeqyteti francez do të pres 10.714 sportistë nga 206 shtete të botës, të cilët garojnë në 32 sporte të ndryshme.

Prej kohës Parisi ka zhvilluar përgatitjet nga infrastruktura, siguria dhe akomodimi, në mënyrë që të garantojë mbarëvajtjen e këtij eventi që vijon deri në 11 gusht.

Franca do të shpenzojë në total 9 miliardë euro për organizimin, ndërsa një punë e madhe është bërë dhe sa i përket vullnetarëve që do të kontribuojnë në event, ku numri i tyre shkon afro 50 mijë. Parisi do të jetë pritësi i numrit më të madh të eventeve të olimpiadës, por pjesë e maratonës janë dhe Lille apo Marseja. Në total janë 329 gara, të ku secila prej tyre do të zgjedhë më të mirët, që kurorëzohen më tej me medalje, që është dhe synimi madhor i gjithësecilit, kujtojmë këtu vendi ynë ka 8 sportistë.

Parisi mirëpret për herë të 2-të në 100 vite lojërat olimpike, të cilat ngrenë siparin këtë të premte, në orën 20, ndërsa ceremonia hapëse ndryshe nga herët e tjera nuk zhvillohet në stadium, por në lumen Senë.

LEXONI GJITHASHTU:

• Bardhi: Edhe ata që do vijnë nga 2/3 e listave do i binden kryetarit
• Transportonin turistë në liqenin e Komanit pa dokumentacion, procedohen 10 shtetas